Søk um hýruvognsloyvi
Fyri at reka vinnuligan fólkaflutning við motorakfari skalt tú hava loyvi frá kommununi. Á hesari síðuni kanst tú søkja hýruvognsloyvi, lesa um treytirnar og um hvussu tú søkir.
SØK UM HÝRUVOGNSLOYVI Á VANGANUM
Tú kanst søkja um loyvi, tá kommunan lýsir við einum tøkum loyvi. Loyvini verða givin fyri fimm ára tíðarskeið í senn.
Hevur tú Samleikan, søkir tú á Vanganum. Tá tú hevur søkt fært tú eina kvittan í MínBoks.Hevur tú ikki skrásett tær Samleikan, ið krevst fyri at søkja á Vanganum, kanst tú gera tað á heimasíðuni hjá Samleikanum. Tá tú søkir umvegis Vangan kanst tú kunna teg um journalnummar og støðuna á málinum á veitarasíðuni.
Umsóknir skulu vera Tórshavnar kommunu í hendi í seinasta lagi mánadagin 29. apríl 2024 kl. 12.
Nýt knøttin omanfyri og fyll umsóknarblaðið út á Vanganum. Rita inn við tínum Samleika.
Tú skalt viðfesta avrit av reinari revsiváttan og avrit av koyrikorti við átekning til hýruvognskoyring.
Bara einstaklingar kunnu søkja. Harafturat eru hesar treytir:
- Tú kanst bara fáa eitt loyvi, sum umfatar ein hýruvogn
- Loyvið er persónligt og kann ikki seljast ella latast øðrum
- Tú kanst bara fáa hýruvognsloyvi, um tú hevur váttan fyri, at tú fert at koyra frá einari hýruvognsstøð. Hetta merkir eisini, at gevst tú at koyra frá hýruvognsstøð, verður loyvið tikið aftur
Tú kanst lesa meira um treytirnar í reglugerðini fyri hýruvognsstøðir og í hýruvognsreglugerðini fyri Tórshavnar kommunu.
Tú kanst søkja, tá kommunan hevur lýst við einum tøkum loyvi. Býráðið ásetur talið av loyvum í kommununi.
Umsitingin og Vinnunevndin í Tórshavnar kommunu viðgera tína umsókn. Sum partur av okkara viðgerð, biðja vit um ummæli frá Auto og Bil, áðrenn vit lata loyvið. Vinnunevndin í Tórshavnar kommunu tekur endaligu avgerðina.
Tú fært boð frá kommununi eftir fundin í Vinnunevndini.
Loyvið verður givið fyri fimm ár í senn.
Ja, men málið skal leggjast fyri Vinnunevndina. Hvørt tú kanst endurnýggjað loyvið er treytað av, at tú sum loyvishavari ikki grovt ella ofta hevur brotið tínar skyldur eftir reglugerðini ella treytunum í loyvinum.
Tú skalt søkja um endurnýggjan av loyvinum, áðrenn fimm ára loyvistíðarskeiðið er lokið.
Fært tú av onkrari orsøk ikki nýtt Vangan, kanst tú fylla út umsóknina niðanfyri og senda hana til torshavn@torshavn.fo ella lata hana inn á Snarskivuni, Vaglið 11, í Tórshavn. Sendir tú umsóknina inn sum teldubræv, mást tú minnast til at viðmerkja »Umsókn um hýruvognsloyvi« í evnisteigin.
