Søk um vinnugrundstykki
Stórur áhugi er fyri vinnugrundstykkjum í Tórshavnar kommunu. Tí stykkjar kommunan viðhvørt út nýggj vinnustykki, sum virkir kunnu keypa frá kommununi. Tá ið vinnustykki eru tøk at søkja, sært tú tað á hesari síðuni, og vit lýsa eisini á heimasíðuni annars.
Ein av treytunum fyri at søkja er, at tú fert undir at byggja á tillutaða stykkinum innan eitt ár eftir, at fyribilsskeytið er undirskrivað, matrikkuleringin framd ella byggibúningin liðug.
Einki vinnugrundstykki er tøkt at søkja í løtuni
Fyri at koma á bíðilista til vinnugrundstykki, skalt tú fylla út umsóknarblaðið omanfyri og senda tað sum teldubræv til Snarskivuna á torshavn@torshavn.fo. Tín umsókn verður flokkað eftir tí virksemi, sum er lýst at vera á vinnuøkinum.
Umsóknirnar verða raðfestar eftir umsóknardegi, sum er tann dagurin, umsóknin er Snarskivuni í hendi.
Ja. Tú skalt tó lata umsókn inn fyri hvørt vinnugrundstykki sær.
Fært tú tillutað vinnugrundstykki, sendir kommunan tær eitt nýtt spurnarblað, sum tú skalt svara og senda kommununi aftur. Spurnarskjalið skal geva eina neyva lýsing av teknisku viðurskiftunum, sum fara at vera á vinnuøkinum.
Ynskir tú at hava virksemi á vinnugrundstykkinum, áðrenn tú byggir á stykkinum, skalt tú fyrst søkja kommununa um loyvi.
Ætlar tú at broyta virksemið á vinnugrundstykkinum, skalt tú eisini fyrst søkja kommununa um loyvi.
Bingjur, ið standa longur enn 6 mánaðir á vinnugrundstykkjum, skulu hava byggiloyvi.
Ætlar tú tær at leiga eitt óbygt vinnugrundstykki út til onnur, skal virksemið, sum leigarin fer at hava á vinnugrundstykkinum, góðkennast av Tórshavnar kommunu.
Tað er ikki loyvt at víðariselja óbygd vinnugrundstykki.
Treytirnar, ið eru tinglisnar og settar í skeytið, eru galdandi fyri nýggja eigaran av stykkinum.
Leggur tú tilfar á vinnugrundstykkið, so uttanumøkið má metast sum fyribilsgoymsla, skal økið til fyribilsgoymslu merkjast og skýlast. Talan má ikki vera um goymslu, sum kemur undir kap. 5 í umhvørvisverndarlógini, uttan at neyðug góðkenning er fingin til vega.
Vinnugrundstykki skulu vera so rein og ruddilig sum gjørligt. Tað merkir millum annað, at vit ikki loyva, at vinnugrundstykki verða nýtt uttan fyrilit. Lógin um umhvørvisvernd og kunngerðin um umhvørvisreglur og burturkast hava ásetingar hesum viðvíkjandi, sum tað er tín ábyrgd sum eigari at seta teg inn í og fylgja.
