Tíðindi

Í sambandi við montering av lampum niður í gonguteigar við Eysturskúlan, verður vegamótið Skúlavegur/Tórgarðsgøta stongt í páskavikuni frá mánadegnum 25. mars 2024 til og við mikudagin 27. mars 2024. Leið 2 hjá Bussleiðini verður umløgd í nevnda tíðarskeiðnum frá mánamorgunin 25. mars til og við mikudagin 27. mars.

Í gjár var móttøka á Ráðhúsinum fyri Havnar Telvingarfelag, sum vann FM 24. Havnar Telvingarfelag er elsta talvfelag í landinum. Tað er stovnað í 1923.

Í løtuni er fullsett á Vaglinum í Havn, har stórt tal av fólki eru møtt til eitt mótmælistiltak. Eisini er stórt tal av traktorum við á Vaglinum.

Havnarmenn. Við stóra H. Tað eru nakrir eftir av slagnum. Og nakrir av hesum hava tikið seg saman í bólk, har teir hittast regluliga. Á dagsskránni er altíð tað, sum gongur fyri seg í Havnini av stórum og smáum. 

Í sambandi við mótmælistiltak í dag 19. mars, verða parkeringsplássið framman fyri ráðhúsið og Niels Finsens gøta, frá Sverrisgøtu oman til Vaglið, stongd fyri parkering og ferðslu frá kl. 10 til 16.

Seinnapartin í gjár var Clara Ganslandt, serligt sendifólk fyri arktisk mál hjá ES, á vitjan hjá Tórshavnar kommunu. Heðin Mortensen, borgarstjóri, og Jóan Petur Hentze, kommunustjóri, greiddu henni frá um Tórshavnar kommunu.

Tórshavnar havn er vorðin partur av netverkinum EPI – Enviromental Port Index. Hetta er eitt týðandi stig á burðardyggari kós hjá Tórshavnar havn og Tórshavnar kommunu. Serstakliga, tá tað ræður um cruiseferðavinnuna.

Hvørt ár velur Umhvørvisdeildin í Tórshavnar kommunu eitt ella fleiri umhvørvisevni í sambandi við umhvørvisvikuna og umhvørvisstuðulin. Umhvørvisevnið í 2024 er vatn. Freistin at søkja um umhvørvisstuðul er 31. mars 2024.

Seinnapartin lat framsýningin hjá Tórshavnar Kvøldskúla upp í Müllers Pakkhúsi.

Nógv av tí, sum næmingar á Kvøldskúlanum hava framleitt í vetur, er á framsýningini.

Í røðu sínari vísti Heðin Mortensen, borgarstjóri í Tórshavnar kommunu á, at Kvøldskúlin hevur stóran týdning, og gevur øllum ein møguleika, - á sjógvi og landi.

Í dag varð móttøka í samband við, at Richard B. Thomsen letur upp eina deild í Havn.

Handilin, sum m.a. selur køkar og baðirúmsmøblar, er í Doktara Jakobsens gøtu.

Richard B. Thomsen, ið hevur høvuðssæti á Tvøroyri, er ein av elstu fyritøkunum í Føroyum.

Á móttøkuni í dag helt Heðin Mortensen, borgarstjóri í Tórshavnar kommunu røðu.

Her er brot úr røðuni hjá borgarstjóranum: