Tíðindi

Eystara vegbreyt í R.C. Effersøes gøtu verður stongd frá rundkoyringini við SMS niðan til Húsagøtu frá týskvøldinum 23. apríl klokkan 23 til mikumorgunin 24. apríl klokkan 6 í sambandi við fresing og asfaltering av vegnum.

Ferðslan er broytt í Niels Finsens gøtu millum Vaglið og Káta Hornið í sambandi við umvælingina av Tinghúsbygninginum. Broytingarnar eru galdandi frá 23. apríl 2024 til 3. juni 2024.

Regluligur býráðsfundur hjá Tórshavnar býráði er í morgin klokkan 17.

Skráin sæst á heimasíðuni hjá Tórshavnar kommunu.

Býráðsfundurin verður stroymdur.

R.C. Effersøes gøta verður stongd frá rundkoyringini við SMS niðan til Húsagøtu frá mánakvøldinum 22. apríl klokkan 23 til týsmorgunin 23. apríl klokkan 6 í sambandi við fresing av vegnum.

Fólk við demens og avvarðandi kunnu fáa ráðgeving frá Heilsu og Umsorganartænastuni hjá Tórshavnar kommunu.

Tú kann fáa eitt gott prát, ráðgeving um hvørji tilboð eru í kommununi, vegleiðing um hvussu ein kann handfara demenssjúkuna.

Tórshavnar kommuna hevur samtykt at lækka hámarksferðina á strekkinum frá rørportrinum á Norðasta Horni til Gamla Velbastaðvegin. Hámarksferðin er nú lækkað frá 80 km/t til 60 km/t.

Tinghúsvegurin verður stongdur frá Vaglinum niðan til Bøkjarabrekku frá mánadegnum 22. apríl til leygardagin 4. mai. Vegurin verður stongdur gerandisdagar klokkan 8-17 í sambandi við útskifting av glasplátum á løgtingsbygninginum.

Fleiri vegir eru stongdir í miðbýnum leygardagin 20. apríl frá klokkan 14.30 til 16.30 í sambandi við MC-gudstænastu í Vágsbotni.

Í gjárkvøldið skipaði Tórshavnar kommuna fyri hugnaløtu fyri sjálvbodnum í Tórshavnar kommunu.

Leygardagin 4. mai byrjar umhvørvisvikan, sum í ár snýr seg um vatn. Skráin er á tremur við tiltøkum fyri borgarar í øllum aldrum. Boðið verður til rundvísingar á vatnverkinum í Villingadali og á Føroya Sjósavni, umhvørvisveiðu, túrar til gongu og í bátum av ymsum slag, barnabio, mat- og plantumarknað, virkisvitjan, filmssýning, fyrilestrar og mangt annað.