Hoyringar

Tórshavnar býráð samtykti á fundi 29. januar 2026 uppskot um at broyta serstøku byggisamtykt nr. 7 fyri Eysturbýin. Uppskotið snýr seg um at broyta GR. 2 fyri eindirnar B1, B2, B3 og B4, soleiðis at tað umframt tvíhús, raðhús og teimum líkar bústaðir, somuleiðis kunnu byggjast íbúðir í økjunum. 

Freistin at lata inn møgulig mótmæli ella broytingaruppskot er 24. mars 2026.

Tórshavnar býráð samtykti á fundi 29. januar 2026 uppskot um broyting av serstøku byggisamtyktini fyri matrikklarnar 1235a, 1378, 1233a og 1233b í Tórshavn. Uppskotið snýr seg um at skipa økið til bústaðarbygging. Broytingin í serstøku byggisamtyktini nágreinar millum annað hæddarásetingar og tekur atlit til møguliga framtíðar ferðsluloysn.

Tórshavnar býráð samtykti á fundi 29. januar 2026 uppskot um at broyta almennu byggisamtyktina fyri Tórshavnar kommunu. Uppskotið snýr seg um at broyta almennu byggisamtyktina fyri matrikklarnar nr. 1038e og litra em í Tórshavn frá A1-øki, ætlað stakhúsabygging, til A4-øki, ið er ætlað til
opna/lága bústaðarbygging.

Freistin at lata inn møgulig mótmæli ella broytingaruppskot er 18. mars 2026.

Tórshavnar býráð samtykti á fundi 29. januar 2026 uppskot um nýggjan umráðispart í almennu byggisamtyktini fyri Tórshavnar kommunu. Umráðisparturin er ætlaður til opna/lága bústaðabygging, sum er íbúðarbygging, sum í vavi er at sammeta við sethúsa-og tvíhúsabygging.

Tórshavnar býráð samtykti á fundi 11. desember 2025 uppskot um at broyta almennu byggisamtyktina fyri matrikklarnar 1341f, 1341d, 1341e, 1341c, 1341b og 1341g í Tórshavn. Uppskotið snýr seg um at broyta byggisamtyktina fyri matrikklarnar frá 4. grundumráði, ið er ætlað landbúnaði, til A1-øki, ið er ætlað sethúsabygging.

Freistin at senda inn møgulig mótmæli ella broytingaruppskot er 7. februar 2026.

Tórshavnar býráð samtykti á fundi 11. desember 2025 uppskot um endurskoðan av byggisamtyktini fyri Kirkjubø. Uppskotið fevnir um broytingar og tillagingar av býarskipanini, millum annað soleiðis, at ásetingar í størri mun samsvara við almennu byggisamtyktina fyri Tórshavnar kommunu og hinar bygdirnar í kommununi.

Freistin at lata inn møgulig mótmæli ella broytingaruppskot er 3. februar 2026.

Tórshavnar býráð samtykti á fundi 11. desember 2025 uppskot um at broyta ásetingarnar fyri minst loyvdu grundstykkjavídd í 1. og 2. grundumráði í almennu byggisamtyktini fyri Tórshavnar kommunu.

Uppskotið snýr seg um at minka minst loyvdu grundstykkjavídd í 1. og 2. grundumráði
úr 500 m² til 50 m².

Tórshavnar býráð samtykti á fundi 11. desember 2025 uppskot um nýggja serstaka byggisamtykt fyri kampusøkið. Uppskotið snýr seg um at skipa økið til bygningar til skúlaskap, heilsurøkt, umsiting, lestrarbústaðir og tílíkt.

Tórshavnar býráð samtykti á fundi 18. september 2025 uppskot um at broyta almennu byggisamtyktina fyri Tórshavnar kommunu. Uppskotið snýr seg um at broyta ásetingarnar fyri A2-øki, § 6, stk. 1 í almennu byggisamtyktini, soleiðis at orðing um annað virksemi verður løgd afturat bústaðarbyggingini, umframt at áseting um umhvørvisflokking kemur afturat.

Møgulig mótmæli ella broytingaruppskot skulu sendast skrivliga til torshavn@torshavn.fo í seinasta lagi 7. januar 2026.

Tórshavnar býráð samtykti á fundi 18. september 2025 uppskot um at broyta almennu byggisamtyktina og gera nýggja serstaka byggisamtykt fyri part av matr. nr. 1000a og 1010u, Tórshavn í sambandi við ætlanir um at skipa íbúðarbygging í økinum.