Hoyringar

Tórshavnar býráð samtykti á fundi 23. oktober 2025 uppskot um at broyta almennu byggisamtyktina fyri matrikklarnar 703c, 703d, 704a, 705d, 705c, 705f, 705q, 705x, 707a, 707c, 708a, 712a, 712b, 712c, 713e, 713f, 714m og 714n í Tórshavn.

Uppskotið snýr seg um at broyta almennu byggisamtyktina fyri nevndu matrikklar frá D3-øki, ið er ætlað stórum almennum stovnum, til A1-sethúsaøki.

Freistin at lata inn mótmæli ella broytingaruppskot er 10. desember 2025.

Tórshavnar býráð samtykti á fundi 23. oktober 2025 uppskot um at gera nýggja almenna byggisamtykt fyri Koltur, matr. nr. 1, 2, 3, 4, 5, 6 og 7. Uppskotið snýr seg um at skipa Koltur sum eina granskingarstøð viðvíkjandi mentanar- og náttúruarvi við støði í Koltursætlanini. Freistin at lata inn mótmæli ella broytingaruppskot er 10. desember 2025

Tórshavnar býráð samtykti á fundi 23. oktober 2025 uppskot um endurskoðan av byggisamtyktini fyri Hvítanes. Uppskotið fevnir um broytingar og tillagingar av býarskipanini, millum annað soleiðis, at lýsingar fyri ásetingar í størri mun samsvara við almennu byggisamtyktina fyri Tórshavnar kommunu og hinar bygdirnar í kommununi.

Freistin at lata inn mótmæli ella broytingaruppskot er 10. desember 2025.

Tórshavnar býráð samtykti á fundi 22. mai 2025 uppskot um at broyta almennu byggisamtyktina fyri Tórshavnar kommunu. Broytingin snýr seg um, at nýggj áseting verður gjørd fyri A1 øki í almennu byggisamtyktini, ið við serstakari byggisamtykt loyvir, at grundstykki kunnu vera minni enn 500 m2 í ávísum økjum. 

Møgulig mótmæli ella broytingaruppskot skulu sendast skrivliga til torshavn@torshavn.fo í seinasta lagi 12. november 2025.

Tórshavnar býráð samtykti á fundi 22. mai 2025 uppskot um nýggja serstaka byggisamtykt fyri Rabarbukvarterið. Endamálið er at varðveita serligu fagurfrøðiligu og siðsøguligu virðini í økinum.

Borgarafundur verður um nýggju serstøku byggisamtyktina hóskvøldið 9. oktober 2025 klokkan 20 í Perluni.

Møgulig mótmæli ella broytingaruppskot skulu sendast skrivliga til torshavn@torshavn.fo í seinasta lagi 12. november 2025.

Tórshavnar býráð samtykti á fundi 18. juni 2025 uppskot um at broyta serstøku byggisamtykt nr. 4 fyri Tinganes og gomlu Havnina. 

Endamálið við uppskotinum er at broyta ásetingar fyri D eindirnar (Vinnulívs­endamál), soleiðis at m.a. bústaðir eisini kunnu staðsetast í økinum. Harafturat verður fylgiskjal 4 dagført, soleiðis at byggilinjan fyriheldur seg til umstøður í dag, í mun til bygningar og bryggju, samstundis sum at smogur vera tryggjaðar millum Rektaragøtu og Bryggjubakka.

Møgulig mótmæli ella broytingaruppskot skulu sendast til Tórshavnar kommunu skrivliga til torshavn@torshavn.fo í seinasta lagi 16. oktober 2025.

Tórshavnar býráð samtykti á fundi 22. mai 2025 uppskot um at gera nýggja serstaka byggisamtykt fyri matrikklarnar 1357b, 1356, 1355, 1354a og 1354b í Tórshavn. Uppskotið snýr seg um at skipa høga og fjølbroytta bústaðarbygging og samstundis tryggja útsýni og skynsama lendisnýtslu. Møgulig mótmæli ella broytingaruppskot skulu sendast Tórshavnar kommunu skrivliga í seinasta lagi 2. september 2025.

Tórshavnar býráð samtykti á fundi 24. apríl 2025 uppskot um at broyta almennu byggisamtyktina fyri Tórshavnar kommunu.

Tórshavnar býráð samtykti á fundi 24. apríl 2025 uppskot um endurskoðan av byggisamtyktini fyri Velbastað. Uppskotið fevnir um broytingar og tillagingar av býarskipanini, millum annað soleiðis at lýsingar fyri ásetingar í størri mun samsvara við almennu byggisamtyktina fyri Tórshavnar kommunu og hinar bygdirnar í kommununi.

Tórshavnar býráð samtykti á fundi 27. februar og 5. mai 2025 uppskot um at broyta almennu og serstøku byggisamtyktina fyri part av matr. nr. 139a Hoyvík, í sambandi við ger av vinnuútstykking í økinum.