Avloysari til Heimatænastuna í Nólsoy

Søkt verður avloysara til Heimatænastuna í Nólsoy.

Hetta kann verða heilsurøktari, heilsuhjálpari ella hjálparfólk. Arbeiði fevnir um at arbeiða triðjahvørt vikuskifti og avloysa tá starvsfólk skulu avspáka í feriu og við sjúku.

Starvsbyrjan er so skjótt sum til ber, ella eftir avtalu.

Heimatænastan fevnir um røkt og viðgerð heima hjá borgarunum. Í løtuni eru millum 8 og 10 borgarar knýttir at heimatænastuni.

Til arbeiði í heimatænastuni, vænta vit at tú:

• Hevur góðan yrkisligan  og menniskjaligan førleika
• Hevur góð samstarvsevnir og megna at samstarva tvørfakliga
• Hevur hóskandi arbeiðsroyndir og ert støðug, ábyrgdarfull og røkin í tínum arbeiði
• Kann arbeiða sjálvstøðugt og leita tær hjálp, tá tørvur er á hesum
• Hevur góðan telduførleika á brúkarastøði

Vit bjóða

Góða innleiðslu, har tú verður upplærd av einum starvsfólki.

Eitt sjálvstøðugt og spennandi starv við møguleika fyri fakligari og persónligari menning, saman við góðum starvsfelagum.

Setanarviðurskifti

Talan er um eitt avloysarastarv. Starvið verður sett sambært sáttmála millum Fíggjarmálaráðið / KAF og Heilsurøktarafelagið / Heilsuhjálparafelagið.

Meira fæst at vita

Meira fæst at vita við at venda sær til Malan Nolsøe Samuelsen, deildarleiðara, telefon 79 31 10 ella á teldupost malans@torshavn.fo

Umsókn

Tú søkir starvið við at trýsta á grøna knøttin »Søk starvið«. Umsóknin skal, saman við prógvum, CV og møguligum viðmælum vera Tórshavnar Kommunu í hendi í seinasta lagi 31. mars 2026.